Hvar get ég lært að verða konditor?

ZBC í Ringsted er eini skólinn sem býður upp á konditornám í Danmörku. Þar starfa mjög færir kennarar. Þar á meðal Poul Erik og Carsten Kej sem einnig þjálfar danska kokkalandsliðið. Í náminu er lögð áhersla á nýjar aðferðir í bland við hefðbundin fræði.

Konditornámið tekur 3 ár og 7 mánuði. Námið er bæði bóklegt og verklegt. Nemandi þarf að vera með námssamning við viðurkennt bakarí og faglærðan konditormeistara. Náminu lýkur með sveinsprófi.

Ef nemandi er með sveinspróf í bakaraiðn eða matreiðslu styttist námið að einhverju marki. Hvert tilfelli er metið fyrir sig.

Nánari upplýsingar er að finna á vefslóðinni hér, eða á heimasíðu skólans hér.

Konditornámið í Þýskalandi tekur að jafnaði 3 ár fyrir þá sem læra það frá grunni. Hyggist hins vegar bakari bæta konditormenntun við sig, tekur hún eitt ár. Í Þýskalandi er eingöngu hægt að læra að verða konditor undir handleiðslu konditormeistara.

Fjöldinn allur af konditorskólum er í Þýskalandi, en hér að neðan er listi yfir þá helstu sem bjóða upp á meistarapróf: